కలసి ఉంటే

June 15, 2014 By: Category: కథలు

పూర్వం ఒక వనంలో పక్షులన్నీ ఎంతో స్నేహంగా ఉండేవి.ఎవరికే కష్టంవచ్చినా అంతాకలసి సాయంచేసేవి. వాటిలో వైద్యంతెల్సిన వాయసం కూడాఉండేది. అది ప్రతిరోజూ తన మందుల సంచీ ముక్కుకు తగిలించుకుని వెళ్ళి అందరికీ ఎదైనా అనారోగ్యం లాంటివి ఉంటే మందులిచ్చాకే తన ఆహారంకోసం వెళ్ళేది. గూళ్ళుకట్టడంలో మేధావైన పిచ్చుక ఎవరైనాకొత్తగా గూళ్ళుకట్టుకుంటుంటే వెళ్ళి సలహాలు, సంప్రతింపులూ చేసేది.ఏరకమైన గడ్డి, పుల్లలూ ఎంతకాలం తాజాగాఉంటాయో, ఏపుల్లలైతే పిల్ల పక్షులకు జలుబు, చేయకుండాఉంటుందో చెప్పేది. దూరం చూపుగల డేగ రాత్రులు hornbill_previewపక్షులన్నింటికీ కాపలా కాసేది. ఏప్రమాదం రాకుండా .
ఇలా ఆపక్షులన్నీ ఐకమత్యంగా ఉంటుండగా ఒకరోజున ఒకనెమలి ఆ వనంలోకి వచ్చింది.తన కుటుంబంతో. అన్నిపక్షులూ వెళ్ళిపలకరించాయి .”మిత్రుడా!చాలాసంతోషం, నీరాక మాకెంతో ఆనందంగాఉంది. ఈ వనాని కే అందంవచ్చింది.ఇక్కడ మీజాతి ఒక్కటే లేదు..ఈ వనం మన పక్షి జాతికి ఎంతో క్షేమ కరమైన ప్రాంతం.” అంటూ ఆహ్వానించాయి.
” నీవు కుటుంబంతో పూర్వం ఎక్కడ ఉండేదానివి? ” అని అడిగింది గోరువంక. చిలకమ్మ కమ్మని విందుభోజనం ఏర్పాటుచేసింది.”కొత్తగా ఈవనంలోకి ఎవరు వచ్చినా మా చిలకమ్మ ఇలా మొదటి విందు ఇస్తుంటుంది. ” అంది కోయిలమ్మ.”నేను అడవిలో ఉండేదాన్ని.అక్కడ మానవులు మా జాతి ని బ్రతకనివ్వడంలేదు.మా అందమైన రెక్కలు, పింఛం మా జాతికెంత ప్రత్యేకమో, మాప్రాణాలకూఅంతముప్పే. అందుకే అక్కడ ఉండలేక క్షేమ మైన చోటు వెతుక్కుంటూ వారం నుంచీ తిరుగుతూనే ఉన్నాం.”అంది మగ నెమలి.
” మిత్రమా! నీకిక్కడ వచ్చేఇబ్బందులేమీ ఉండవు. హాయిగాఉండు.మా పిచ్చికమ్మ గూడుకట్టు కోడంలో సాయంచేస్తుంది.మా వాయసం వైద్య సాయం అవసరమైతే చేస్తుంది.” అంది హమ్మింగ్ బర్డ్. Read the rest of this entry →

తెలుసుకుందాం

March 01, 2014 By: Category: మీకు తెలుసా

తెలుసుకుందాం

పిల్లలూ!పూలను దైవపూజకు, శుభసందర్భాల్లో పూలమాలలను అలంకరణలకు , సన్మానాలకు, మాత్రమే వాడుతామని అంతా అనుకుంటాం కదూ! కానీ దేవుడు సృష్టించిన ప్రతి పదార్ధంలో సాధారణ ఉపయోగాలతో పాటుగా , ప్రత్యేక ఉపయో గాలుకూడాఉంటాయి.అవిమనంతెల్సుకోడంమంచిదనినాకుతెల్సిందిమీతోపంచుకుందామనిఇలావ్రాస్తున్నాను.

మందార పూలని హైబిస్కస్ అని అంటారుకదా!. దీన్లో చాలారకాలున్నాయి ,మనం కొన్ని రంగుల ముద్ద,రెక్క మందారాలనే చూసి ఉంటాం, చైనా మందారం , పసుపు మందారం , మలేషియా మందారం , హవాయి మందా రం అనే రకాలు సైతం ఉన్నాయిట! మందార పూలని ఆరోగ్యం కోసమని ఆహార పదార్థాలతో కలిపి తీసుకో వచ్చుట!అలాగే మందులు గా కూడావాడుకో వచ్చుట! దీంతో మనిషి ఆరోగ్యంగా వుంటాడని ఆయుర్వేద ఆరోగ్య నిపుణులు అంటున్నారు.

ముఖ్యంగా యూనాని మందులలో దీనిని ఎక్కువగా ఉపయోగిస్తుంటారు. దీంతో శరీరంలోని కొలెస్ట్రాల్, మధు మేహం, రక్తపోటు, మూత్రపిండాలకు సంబంధించిన వ్యాధి, గొంతుకు సంబంధించిన వ్యాధులు తదితర జబ్బుల కు మంచి ఔషధంలా పనిచేస్తుందని ,ఇందులో విటమిన్ సి, క్యాల్షియం, పీచుపదార్థం (ఫైబర్), ఐరన్, నైట్రోజన్, ఫాస్ఫరస్, టెటరిక్, ఆక్సీలిక్ యాసిడ్, ఫ్లేవోనైడ్ గ్లైకోసైడ్స్ తగు మోతాదులో లభిస్తాయికనుక వీటివలన శరీరం ఆరోగ్యంగా ఉంటుందంటున్నారు ఆయుర్వేద వైద్యులు. Read the rest of this entry →

ఉపకారం

February 15, 2014 By: Category: కథలు


      పక్షులన్నింటికీ రాజైన గరుడపక్షి , తన ప్రజల నందరినీ సమావేశపరిచి, వారికష్టసుఖాలను విచారించసాగింది.” ప్రియమైన ప్రజలారా! మీరంతా మాపాలనలో సుఖంగా ఉన్నరని భావిస్తాం . మీకేమైనా చెప్పుకోవలసింది ఉంటే సంశయింపక  చెప్పండి.” అని అడిగింది..
” పక్షిరాజా! మీ చల్లనిపాలనలో  మాపిల్లాపాపలతో  మేంసుఖంగా  జీవిస్తున్నాం .” అన్నాయి ముక్త కంఠంతో . —-

“కానీ నేను అడిగేది మీకేమైనా ఇబ్బందులున్నాయా? మీరంతా ఎలా జీవిస్తున్నారు? అనే విషయం ”

” మహారాజా! మాకోయిలజాతి చక్కగా పాటలు పాడుతూ అందర్నీ సంతోష పెడుతున్నది. మా పాటలు వినగానే వసంత కాలంవచ్చిందని అంతా ఆనందిస్తారు.అందుకే అందరూ మేం కాకిలా నల్లగా ఉన్నాకూడా , మమ్ము ఇష్ట పడుతున్నారు.  మాబాధ ల్లా కాకి మారంగులో ఉందే అని మాత్ర మే. భగవంతుడు దయామయుడు కనుక మాకు కాకి స్వరం మాత్రం ఇవ్వలేదు , రంగు ఇచ్చినా  ” అని విన్నవించింది., వెనకెక్కడో దూరంగా ఉన్నకాకిని అసహ్యంగాచూస్తూ…. Read the rest of this entry →

ఆధునిక కవిత్వంలో బాల్యం

February 01, 2014 By: Category: వ్యాసాలు

 ప్రతీ వ్యక్తి జీవితంలో బాల్యం ఒక మధురానుభూతి. వ్యక్తిగా ఎంత ఎదిగినా బాల్యం ముద్ర అతనిని విడిచి పెట్టదు. చిన్ననాటి ఆటలు, పాటలు మొదలుగునవన్నీ అతని మనసులో చెరగని ముద్ర వేస్తాయి. అందుకే సి. నారాయణరెడ్డిగారు “బాల్యస్మృతి చిత్రణము కాల్పనిక కవిత్వ లక్షణములతో ఒకటి. మానవుడు ఎంత ప్రయత్నించిననూ శారీరకముగా మరల బాల్యమును పొందలేకున్నను, స్మరణ మాత్రము చేతనైనను తాను కోల్పోయిన శైశవ ప్రకృతిని, అమాయకతా ప్రవృత్తిని తిరిగి పొందగలుగునని వర్డ్స్ వర్త్ ode on the intimation of immorality అనే గేయంలో ప్రతిపాదించాడు” అంటూ బాల్యం ప్రాముఖ్యతను వివరిస్తారు.

బాల్యాన్ని తిరిగి తీసుకురాలేకపోయినా చిన్నతనంలో ప్రతీ వ్యక్తికీ కొన్ని ఙ్ఞాపకాలుంటాయి. వాటిని ఆయా వ్యక్తులు ఆయా సందర్భాలలో వ్యక్తపరుస్తుంటారు. గోరుముద్దల్లో కనిపించే అమ్మ అనురాగం, చిన్న తనంలో చేయిపట్టుకుని నడిపించే నాన్న నిగ్రహం, పండ్లచెట్లను చూడగానే చంపుకోలేని జిహ్వచాపల్యం, చుట్టూ వున్న అవ్వలు చూపే ఆప్యాయత, ఆకతాయి అల్లర్లలో స్నేహితుల సహకారం, మేనమామ మేనత్తల ఏగతాళి ఆటపట్టింపులు, ఇరుగుపొరుగులతో కలుపుగోలు వరుసలు జీవితాంతం వరకు మనిషి మనసులో మంచి అనుభూతులుగా మిగిలిపోతాయి. ఆధునిక కవిత్వంలో కూడా అనేకమంది కవులు తమతమ కవితల్లో చిన్ననాటి చిలిపితనాన్ని ఎంతో హృద్యంగా వివరించారు. వాటిని చదివినప్పుడు మన మనసు మన బాల్యంలోకి మనల్ని లాక్కెళ్ళకమానదు. అటువంటి కవితల్లో బాల్యాన్ని వివరించే వాటిని కొన్నింటిని చూద్దాం. Read the rest of this entry →