జాబిల్లి మొదటి సంచికకు స్వాగతం
జాబిల్లి మొదటి సంచికకు స్వాగతం. అంతర్జాలంలో బాలలకై ప్రత్యేకంగా ఒక తెలుగు పత్రిక ఉంటే బావుండునన్న కోరికకి రూపమే ఈ జాబిల్లి. ఇప్పుడిది చిన్న మొలక మాత్రమే. అందరి సహకారం ఉంటే దీన్ని మరింత చక్కగా తీర్చి దిద్దాలనే ఆశ.
పిల్లలకు ఇది చేరి వారికేమాత్రమైనా ఉపయోగపడితే మా శ్రమ ఫలించినట్టే. దీన్ని ఇంకా ఆకర్షనీయంగా తీర్చిదిద్దాలనుకుంటున్నాం, ఇంకా కావలసినన్ని బొమ్మలు కావాలి, పిల్లలను ఉత్సాహరిచే వాటన్నింటికి జాబిల్లిలో చోటు ఉంటుంది. మీ ప్రోత్సాహం మాకు మరింత బలాన్ని ఇస్తుంది.
ఈ సంచికలో…
కథలలో చిన్నారులు రాసిన కథలు, వారికోసం పెద్దవారు రాసిన కథలు ఉంటాయి.
పిల్లలు కన్న విన్న వాటికి తమ ఆలోచనలని ఊహలని జతచేర్చి అల్లితే ప్రాణం పోసుకున్న కథలు ఇవి. ఈ మాసం సంచికలో ’కోతి-గాడిద’ కథ చదివి మీ సూచనలని అభిప్రాయాలని తెలియజేయండి. మరొక కథ ’కుందేలు ఉపాయం” చదవండి.
వ్యాసాలు ఈ శీర్షికకై చిన్నారులు, వారికోసం పెద్దవారు రాయొచ్చు. ’మేనెల’ మే నెలగురించిన కథా కమామిషు చదవండి. మరొకటి సులువుగా లెక్కలు ఎలా చేయోచ్చో చెప్పటానికి ఓ లెక్కల మాస్టారు మనకోసం చెపుతున్న కబుర్లు. ఇంకా తాను చూసే కార్టూన్స్ గురించి ఈ అబ్బాయి ఏదో చెపుతున్నాడు చూడండి.
’అవ్వ చెప్పిన కథలు’ దీనిలో ఎవరి సొంతమూ కాని కథలు పిల్లకోసం తరతరాలుగా చెప్పబడుతున్న కథలు జాన పదాలు, నీతికథలు ఒకటేమిటి తాతలనాటి కథలన్నీ తవ్విపోయబడతాయన్నమాట ఈ మాసం బామ్మ చెప్పిన కథలు ’బాదరాయణ సంబధ’, ’పొన్నాపూల కథ’
భట్టి విక్రమార్క ఉత్కంఠ బరితమైన జానపద కథలను సేకరించి పిల్లలు తేలికగా చదువుకునే విధంగా రాయించి అందిస్తున్నాం.(ఇలాంటి మరికొన్ని ధారావాహికలు త్వరలో ప్రచురిస్తాము) ఈ మాసం విక్రమార్క కథల్లో భోజరాజు కి విక్రమార్కుడి సింహాసనం ఎలా లభించింది, విక్రమార్కుడి కథలు ఎవరు ఎవరితో చెప్పారు తెలుసుకోవాలంటే ’భోజరాజు – విక్రమార్కుడి సింహాసనం’ కథలు చదవాల్సిందే.
పంచతంత్ర కథలు; స్నేహితులవల్ల కలిగే లాభాలు మిత్రలాభం కథలు చెపుతాయి. దుష్టులవల్ల స్నేహితులమధ్య కలిగే విభేదాలు మిత్రభేదం కథల్లో చూడవచ్చు, యుద్దాలవల్ల కలిగే నష్టాలు విగ్రహం లోని కథలలో మనం తెలుకోవచ్చు, ఇతరులతో స్నేహభావంతో మసలుకోవటం వల్ల కలిగే లాభాలు ”సంధి’ లో ఉంటాయి. చివరది తెలివి తక్కువ పనుల వల్ల కలిగే దుష్పపలితాలను గురించినది ’అపరీక్షితము’
జంతువులే పాత్రలుగా అల్లిన కథలు ఇవి. పిల్లలకు వీటివల్ల లోకంపోకడలు, మంచి చెడు అవగతమౌతాయి. ఇవి చక్కటి నీతికథలు.
దూబగుంట నారయణకవి అనే పండితుడు విష్ణుశర్మ రచించిన సంస్కృత గ్రంథం పంచతంత్రం లోని మొదటి నాలుగు భాగలు మిత్రలాభం, మిత్రభేదం, విగ్రహము, సంధి వీటిని ’హితోపదేశమ” అన్న గ్రంథాన్ని రచించాడు. హితోపదేశములోని మొదటి రెండు భాగాలైన మితలాభం, మిత్రభేదాలను పరవస్తు చిన్నయ్య సూరి వచనంలో రాశాడు. మిగిలిన రెండుభాగాలను కందుకూరి వీరేశలింగంపంతులు రాశారు. అదే నీతిచంద్రిక.
చిన్నప్పుడు మనం ఆడుకున్న ఆటలన్నీ ఇప్పుడు క్రమంగా కనుమరుగవుతున్నాయి. ఎప్పుడన్నా సెలవుల్లో పిల్లలందరూ ఒకచోట చేరినప్పుడు వాళ్ళని ఆడించాలన్నా అవి మర్చిపోయిన వాళ్ళే ఎక్కువ. శారీరక, మానసిక ఆరోగ్యానికి ఆటపాటల ప్రాముఖ్యత ఏమిటనేది అందరికీ తెలిసినదే. అలాంటి కొన్ని ఆటలు ఇప్పుడు ఇక్కడ——
పాటలు చిన్న పిల్లలకి మాటలు రావటం ఆలస్యం మొదట మనం నేర్పేది చిట్టి పొట్టి పాటలు గేయాలు. అలాంటి ఒక పాట మిఠాయ్ మిఠాయ్ చెక్కిలిగిలి పాట. మరి ఆపాట పాడించి చివరన మీ పాపకి చెక్కిలిగింతలు పెట్టడం మర్చిపోకండేం. మరొకటి ’ఎల్లలెరుగని వాళ్ళము’ యునిసెఫ్ బాలల గీతి.
చేసిచూద్దాం దీంట్లో చిన్న చిన్న సరదా సైన్స్ ప్రయోగాలు, క్రాఫ్ట్స్ మొదలైనవి ఉంటాయి ఈ సంచికలో మీకోసం ’కెలిడోస్కోప్’ మరి వెంటనే చేసి తమాషా చూడండి.
.
వింతలు, విశేషాలతో పాటు జనరల్ జాలెడ్జ్ కి సంబంధించిన విషయాలకై మీకు తెలుసా చూడండి.
కాసేపు సరదా గా ’సరదా సరదా’ లో చిన్ని బాబీ కబుర్లు విందామా.
ఇంకా…పెద్దలమాట చద్దిఅన్నం మూట అనుకుంటూ ప్రతినెలా ఒక మంచిమాట గుర్తుచేసుకుందాం.
*************** ****** **********