రచన ; కళ్యాణ్

కళ్యాణ్ అంటే స్కూలు లో లీడర్. అందరికంటే ఎక్కువ బలం. అందరికంటే ఎక్కువ తెలివి.  అందరు ఎక్కువ పొగిడేస్తూ ఉండెసరికి  కళ్యాన్ కి గర్వంగా ఉంటుంది. కళ్యాణ్  మంచి పిల్లాడే  కాని  గర్వంతో పొగరుమోతుగా తయారయ్యాడు.

ఆ సంవత్సరం  వాళ్ళ క్లాసుకి  ఓ కొత్త  స్టూడెంట్  వచ్చాడు.  అతడిపేరు రాఘవ.   రాఘవకి  చిన్నప్పుడు  ఒక  ప్రమాదంలో  ఒక కాలు విరిగిపోయింది. స్కూలులో  పిల్లలందరూ  రాఘవని  చూసి  నవ్వుతున్నారు.  కర్రలతో మెల్లిగా  నడుస్తాడు  రాఘవ.  అందరితో కలిసి  పరిగెత్తలేడు,  ఆడుకోలేడు.   అందరూ  ఆటల పీరియడ్‍లొ  గ్రౌండ్‍లో ఆడుతూ  వుంటే  రాఘవ  ఒక్కడు   తరగతి  గదిలోనే  వుంటాడు.

కళ్యాణ్‍కి రాఘవని  చూస్తే చులకన. తన బలం ముందు  రాఘవ ఎందుకుపనికిరాడని  కళ్యాణ్‍కి  తెలుసు.  రాఘవ  కర్రలతో  నడుస్తుంటే  కళ్యాణ్ వెక్కిరిస్తూ ఉంటాడు. కళ్యాన్‍ రాఘవని  వెక్కిరించగానే  పిల్లలందరూ  నవ్వుతారు,  అది  కళ్యాణ్‍కి మజానిస్తుంది.
రాను రాను  చులకన  కోపంగా , అసహ్యంగా మారింది.  ఇప్పుడు  కళ్యాణ్‍కి  రాఘవ అంటే కోపం,  అసహ్యం.  నేను లీడర్ గా వున్న  క్లాసులో ఈ కుంటాడు  లేకుంటే  బావుంటుంది  అనుకుంటాడు  కళ్యాణ్. ఎంత  వెక్కిరించినా ఏడవని  రాఘవని  చూస్తే  కోపం ఇంకా పెరిగి పోతుంది.

ఓ సారి  వాలీ బాల్‍ ఆడుతూ  వుంటే  అనుకోకుండా కిందపడిపోతాడు  కళ్యాణ్‍.   కాలికి దెబ్బ  తగిలి  నడవలేక పోయాడు.  ఇంకా కొద్దిరోజుల్లో మ్యాచ్ వుంది,   ఎలా?  ఎంతో ఏడుస్తాడు  కళ్యాణ్.

దెబ్బకొద్దిగా  మానినాక  ఓ కర్ర సాయంతో మెల్లిగా  స్కూలుకి  వస్తాడు.  అందరూ సంతోషంగా పరిగెత్తుతూ  వున్నారు  నెనొక్కడినే  ఇలా వున్నా  అనుకుంటాడు  విచారంగా.

ఆటల  పీరియడ్‍లో  పిల్లలందరూ  గ్రౌండ్‍కి వెళ్ళిపోయారు  కళ్యాణ్‍కి  దిగులుగా వుంది,  నాకోసం ఒక్క స్నేహితుడూ  వుండకుండా  అందరూ  ఆటకి పోయారు  అనుకున్నాడు.  క్లాసులో  రాఘవ  వున్నాడు,  కాని  కళ్యాణ్‍కి  అతడితో  మాట్లాడాలనిపించలేదు.

ఇంకోరోజు  రాఘవ పిలచినా  మాట్లాడడు  కళ్యాణ్.
రెండు మూడు రోజులు అయ్యాక  కాలులేకపోతే  ఎంత  కష్టం అనేది అర్ధం అయింది  కళ్యాణ్‍కి.  నాకు కొద్దిరోజులకే  ఎంత కష్టంగా  వుంది,  పాపం  రాఘవ  ఎప్పుడూ  కాలు లేకుండా వుండాలి  ఎంత కష్టం  అనుకుంటాడు.

ఈ సారి  క్లాసులో  ఆటల పీరియడ్ లో  రాఘవ  మాట్లాడితే  కళ్యాణ్‍కూడా  మాట్లాడుతాడు.  రాఘవ  కళ్యాణ్‍కి  స్నేహం కుదురుతుంది,  రాఘవ ఎన్నో  కథలు  చెపుతాడు,  బొమ్మలు గీయడం  నేర్పుతాడు.  పాటలు  నేర్పుతాడు.  రాఘవకి ఎన్ని  తెలుసు  అనుకుని  ఆశ్చర్య పోతాడు  కళ్యాణ్‍.  మ్యాచ్  ఆడలేకపోయినందుకు  పడే  విచారం  తొలగిపోతుంది.

కొద్ది రోజుల తరువాత  కళ్యాణ్‍  కాలు  గాయం  పూర్తిగా 

స్నేహం                     రచన : మౌని, చింటు

ఒక సింహానికి నదిఒడ్డుకు వెళ్ళి షికారు చెయ్యాలనిపించింది. వెంటనే అది నది తీరానికి వెళ్ళి పచార్లు చేయడం ప్రారంభించింది. అలా చేస్తుండాగా దానికి నీటిలో ఓ డాల్ఫిన్ కనిపించింది. డాల్ఫిన్ నీళ్ళల్లో నుండి పైకెగురుతూ కిందికి పడడం చూసి దానిని భలే ముచ్చటెసింది.

. చాలా సేపు డాల్ఫిన్ ఆటలను అలా చూస్తూ ఉండిపోయిన సిహం ‘నీటిలో ఇలా విచిత్ర విన్యాసాలు చేసే జంతువు మరొకటి లేదు. నేలపై నేను మృగరాజును. డాల్ఫిన్ తో నేను స్నేహం చేస్తే ఎలా ఉంటుంది?’ అనుకొంది. తన మనసులోని విషయాన్ని డాల్ఫిన్   కు చెప్పింది. అది కూడా కాస్త ఆలోచించి సరేనంది. ఆ తరువాత చాలా సేపు అవి కబుర్లు చెప్పుకొన్నాయి.

ఇంతలో సింహం పైకి ఓ అడవి దున్న వచ్చింది. సింహం దానితో తీవ్రగా పోరాడింది. కాని, నదీ తీరంలో ఇసుక ఎక్కువగా ఉండటంతో అంత బలంగా పోరాడలేకపోయింది. తనకు సయం చేయమని డాల్ఫిన్ను కోరింది. ‘నేను నీటిలో ఏమైనా చేయగలను. నేలమీదకు వస్తే అశక్తురాలినీ అని చెప్పి చూస్తూ ఉండిపోయింది. అలా చాలాసేపు సింహంతో పోరాడిన దున్న అఖరికి అలసి తన దారిన తాను వెళ్ళిపోయింది.

అప్పుడు డాల్ఫిన్ ‘మిత్రమా… నువ్వు ఆపదలో ఉన్నప్పుడు నేను ఆదుకోలేకపోయాను. ఇక మన స్నేహానిని అర్థమేమిటి? నేను నీకు మిత్రుడిగా ఉండటానికి తగను ‘ అని బాధపడింది. అప్పుడు సింహం ‘నువ్వు నేలపై పోరాడగలిగితే నన్ను ఆదుకునేదానివే కదా. ఒకవేళ నీకు నీటిలో ఏదయినా ఆపద సంభవిస్తే నేను కూడా సాయం చేయలేను. ఎందుకంటే నేను నేలపైనే బలవంతుణ్ణి. నీటిలో కాదు. ఎలాంటి లాభాపేక్ష లేకుండా చేసేదే స్నేహం. కాబట్టి నువ్వు బాధపడాల్సిన అవసరం లేదు. మనం ఎప్పటికి స్నేహితులుగానే ఉందాం. అని చెప్పి అక్కడినుండి వెళ్లిపోయింది .