కాగితంతో  బొమ్మ  –   (బిట్టు)

కావలసిన వస్తువులు:

దలసరిగా ఉన్న రంగు కాగితాలు
కత్తెర
స్టాపులర్
చిన్న మూత ( ఏదైనా సీసా మూత బొమ్మ తలకి సరిపడేల ఉన్నది)
ఊలు
పెవికాల్

చేయు విధానం:

1) కాగితం పై కావలసిన  సైజుకి వృత్తం గీసుకుని దాన్ని కత్తిరించి తిరిగి దాన్ని మధ్యకు మడచి కత్తిరించి రెండుభాగాలుగా చేయాలి. ఒక భాగాన్ని తీసుకుని కోన్ ఆకారంలో మడచి దానికి స్టాపులర్‍తో పిన్ చేయాలి.

2) మరొక రంగు కాగితం పై దానికంటే కాస్త చిన్న వృత్తం గీసి దాన్ని కత్తిరించి మధ్యకు మడచి ముందు చేసుకున్న కోన్ ఆకారంపై అమర్చి వెనక పిన్ చేసుకోవాలి.

3) మూతని కాగితం తో చుట్టి తల తయారు చేసుకోవాలి. దానికి కళ్ళు ముక్కు నోరు గీయాలి. ఊలుతో దానికి జుట్టు అతికించాలి.(ఆడపిల్ల బొమ్మ ఐతే జడలు పిల్లాడి బొమ్మ ఐతే పొట్టి జుట్టు అమర్చుకోవాలి)

4) బొమ్మ టోపికోసం పలచటి రంగు కాగితంతో కోన్‍ చేసి బొమ్మ తలపై పెవికాల్ తో  అతికించాలి.

ఇప్పుడు బొమ్మకి తల అతికించాలి.

కావలసినవి; . 10X4 సెంటీమీటర్ల కొలతలు గల మూడు సమతల దర్పణాలు.
రంగు రంగుల చిన్న గాజు ముక్కలు.
సర్జికల్ టేప్.
కత్తెర.
ట్రెస్సింగ్ పేపర్.
అట్టముక్క(లేదా గాజుపలక)

చేసే విధానం ;
మూడు దర్పణాలను బొమ్మలో చూపిన విధంగా త్రిభుజాకారం వచ్చేట్టుగా టేప్ తో అతికించాలి.
దానికి ఒక చివర ట్రేసింగ్ పేపర్ తొ టేప్ సహాయంతో మూసి వేయాలి.
చిన్న చిన్న గాజుముక్కలను దాంట్లో వేసి మరో చివర రంధ్రం ఉన్న అట్టముక్కతో గానీ, గాజుపలకతో గానీ మూసివేయాలి.
ఇప్పుడు కెలిడో స్కోప్ తయారు. రంగు రంగుల రకరకాల ఆకృతులు చూస్తూ ఆనందించండి