అంకెలతో చిలక జ్యోతిష్యుడు
రచన ; కాదంబరీ పిదూరి
ఒక్కొక్క వక్క; తమల పాకులలోన;
రవ్వంత సున్నం నోటి పంటలంట!
రెండు బాదం పప్పులు అడిగింది ఉడత;
మూడు జాం(మ)కాయలు కొసరింది చిలక;
“నాలుగు రూకలు రానీ!
మెండుగ పెడతా తిండి”
అన్నాడు యజమాని,
చిలక జోస్యుడు అతడు;
“ఐదు దారలు పంచదార, చక్కెరలు
ఆరు బయట ఆటలు,
ఏడు రాత్రుల కథలు;
ఎనిమిది అష్టా చమ్మ;
తొమ్మిది నవ రాత్రులు;
దశమీ నాటికి మనకు
దశ తిరుగుతుందిలే!
మనకు పట్టిందల్లా పసిడి –
ఔతుందిలే సామీ!”
అని శుకము పదముల్లు.
రా చిలక పలుకుల్లు
తేనెల ఉరవళ్ళు;
అందరు వచ్చేసారు,
చేతులు చూపించారు;
“జోస్యం మాటేదైనా,
నీ మధువుల మాటలు
లక్షల వరహాలు, కోటి దీనారాలు!
అందుకె మేం వచ్చాము;
కీర వాణి, చిలకమ్మా!”
అన్నారు అందరూ,
ముచ్చట్ల చప్పట్లు
చిలకకు బహుమతులు ;
కిళి!కిళి! కిళి! కానుకలు
