శివ బండారు

పుల్లాఏమారం/పుల్లావేమారం పనులు చెయ్యకు అని పెద్దవాళ్ళూ అంటూ ఉంటారు కదా .. అసలు అ జాతీయం ఎలా పుట్టిందో చూద్దాము..

పూర్వకాలంలో పుల్లయ్య అనే మంచి పనివాడు ఒక రైతు దగ్గర పనిచేస్తుండేవాడు. రైతు చెప్పిన పనల్లా  వెంటనే పూర్తిచేసి రైతు మెప్పును పొందేవాడు. బాగా చురుగ్గా కలివిడిగా ఉండటంతో అందరికీ పుల్లయ్య అంటే ఎంతో ఇష్టం.

ఒక రోజు సాయంత్రం రైతు తన బార్యతో “పుల్లయ్యను రేపు వేమవరం పంపించాలి…  ” అని అనటం మన పుల్లయ్య విన్నాడు. అంతే ఇంకేముంది. రేపు వేమవరం వెల్లాలి కదా ఇప్పుడే వెల్లివచ్చేద్దాం అని మనోడు రాత్రికి రాత్రే కాలినడకన వేమవరం వెల్లి వచ్చేసాడు.

తెల్లారి రైతు పుల్లయ్యని “వేమవరంలో పనిఉంది నువ్వు వెల్లాలి” అంటే పుల్లయ్య రైతుతో “నిన్న రాత్రే మీ మాటలు విని వేమవరం వెల్లి వచ్చేసానండయ్యా..” అనండతో రైతు అవాక్కయ్యి ఆ తరువాత పుల్లయ్య అమాయకత్వానికి నవ్వుకున్నాడు.

అప్పటినుండి పనికిమాలిన , పని చేసినా పలితం లేని , ఉపయోగం లేని పనులను  పుల్లయ్యావేమవరం పనులు అంటున్నారు .. పుల్లయ్యావేమవరం పనులు చివరికి పుల్లావేమారం పనులుగా వాడుకలోకి మారింది.

రచన : N.Raveender

బాలలూ !  మీరెప్పుడైనా  ఉరుముడు పువ్వును చూసారా ? ఆకాశం ఉరిమిన వెంటనే మొగ్గలా ముడుచుకున్న ఈ పువ్వు పూర్తిగా తన రేకుల్ని విచ్చుకుంటుంది . ఎందుకలా జరుగుతుంటుంది ? దీని వెనుక ఓ కథ ఉంది వినండి.

పూర్వం ఒకసారి ఉరుము దేవేంద్రుడి వద్ద కెళ్ళి ” దేవేంద్రా ! సూర్య కిరణాలు సోకగానే కమలం వికసిస్తుంది. చంద్ర కాంతి పడగానే కలువ విరబూస్తుంది. నల్లని  మేఘాల గుంపును చూడగానే నెమలి నాట్యం చేస్తుంది. ఇలా సూర్యుడు, చంద్రుడు, మేఘుడు కావ్యాలలో స్థానం సంపాదించుకున్నారు. కానీ నా ఉరుము శబ్దం వింటేనే అందరూ బెదరి   పోతారు. సంతోషించే వారు ఎవరూ లేరు .”అని తన భాదను చెప్పుకుంది.

అప్పుడు దేవేంద్రుడు అలోచించి ,ఉరుముకు అభయమిచ్చి ఉరుముడు పువ్వును సృష్టించాడు.