అమ్మ నిదురలేపలేదు

ముద్దులాడి పాలు పట్టలేదు

అసల్లమ్మ జాడే లేదు

చుట్టూ చీకటి

ఆకలేసి, భయమేసె

గట్టిగా అమ్మని పిలిచా

పాల గ్లాసట్టుకొని

పరుగున నానమ్మొచ్చె

అమ్మకి బాగా జరంట

పట్టణాస్పత్రిలో బాగయ్యి

తమ్ముడు కూడా పుట్టాకొచ్చేనట

ఆరేళ్ళకి మళ్లీ నట్టింట

కొత్త పాపాయి సందడంట

వారసుడట, వంశోద్ధారకుడట

అమ్మపై బెంగతో రోజూ గోలెట్టా

ఆపొద్దు నాన్నారు బుజ్జగించారు

తమ్ముడు పుట్టాడట తీసుకొస్తారట

అమ్మ రాకకై ఆశతో

రోజంతా ఎదురుచూపులు

నాన్నారు రాలేదు, అమ్మసలే రాలేదు

కోపమొచ్చి ఏడుపొచ్చె

నేనిదరోతే తెల్లారాక అమ్మొచ్చేనట

గట్టిగా కళ్ళు మూసి నిదరోయా

పాపాయి ఏడుపుకి ఉలిక్కిపడ్డా

నానమ్మ వొడిన తమ్ముడ్ని చూసా

ఆమ్మ గదిలో లేదే?

అమ్మ కోసం పరుగెట్టా

గది మధ్య అమ్మ పడుకొనుంది

తెల్ల దుప్పటి కప్పుకొనుంది

కదలకుండా కళ్ళు మూసుకొనుంది

నాన్నారు కదిలి కదిలి ఏడుస్తున్నారు

అమ్మ తమ్ముడ్ని మాకిచ్చేసి

వెళ్ళిపోయిందని వదిలేసి

అమ్మమ్మా ఏడ్చేసే

అయితే అమ్మ మళ్లీ రాదా?

భయమేసి పొట్టలో తిప్పుతుంది

తల్లో నొప్పెడుతుంది

అరుస్తూ ఏడుస్తున్నా

అమ్మేది? అమ్మ కావాలి!

ఈ తమ్ముడొద్దు, నాన్నారు!

వీడిని పంపేసి అమ్మనే తెండి నాన్నారు!

నాకమ్మే కావలి, ఈ తమ్ముడొద్దు!

గొంతు పోయేలా ఏడుస్తున్నా

నాన్నారి వొడిలో…

రచన : కోసూరి ఉమాభారతి

రచన : రాజేంద్రకుమర్ దేవరపల్లి

పొలంలో పనులన్నీ ముగించుకుని  ఒక రైతు సాయంత్రం యింటికి తిరిగివస్తున్నాడు.బాగా అలసిపోయి ఉండటంతో,ఎప్పుడెప్పుడు ఇల్లుచేరి స్నానం చేసి,భోజనం చేసి విశ్రాంతి తీసుకుందామా అని అతని మనసు తహతహలాడుతుంది.అలా నడుస్తూ ఒకరాళ్లగుట్ట దగ్గరకు వచ్చాడు.ఆరాళ్ళ సందుల్లో ఒకపులితోక ఇరుక్కుని,చాలా పెద్దది,కిందకీ,పైకీ కదులుతోంది.

రైతు భయంతో వణికిపోయాడు.పులితోకను వదిలించుకుని రైతుమీదకు దూకాలని ప్రయత్నించింది.కానీ రైతు పులితోకను అతనివైపుకు లాగాడు.పులి భీభత్సంగా గర్జిస్తూ,బుసలుకొడుతుంది.రైతు చెమటతో ప్రాణభీతితో తడిసి ముద్దయి పోయాడు.కొంతసేపయ్యాక అ దారివెంట ఒకముని వెళుతూ కనిపించాడు.

ఓహొ!దేవుడే ఈ సాధువును పంపించాడని భావించి.‘స్వామీ,అదిగో నేలమీద నా కొడవలి ఉంది,ఈపాడు పులిని  చంపి నాప్రాణం కాపాడండి’అంటూ బతిమలాడాడు రైతు.ఆ ముని రైతు వైపు ప్రశాంతంగా చూసి ‘ప్రాణాలు తీయటమనేది నా సిద్ధాంతాలకు విరుద్ధం’ అన్నాడు. ‘అయ్యో అవేం మాటలు స్వామీ,నేను ఈ తోకను వదిలేస్తే పులి నామీద పడి హతమారుస్తుంది’అని వేడుకున్నాడు.‘నేనేం చెయ్యలేను నాయనా,మా మతవిశ్వాసాల ప్రకారం,ఏజీవరాశి ప్రాణం తీయకూడదు’శెలవిచ్చాడు ముని.‘మీరు నాకు సాయం చెయ్యకపోతే ఈ పులి నన్ను చంపుతుంది,అప్పుడు నాచావుకు కారణం మీరే అవుతారు గదా! అని తర్కించాడు రైతు.దానికి కూడా,‘అడవిలో బలమైన జంతువు బలహీనమైన ప్రాణిని చంపటమనే సామాన్య ఆటవిక న్యాయముంటుంది,దానికి నేను ఎలా బాధ్యుడిని అవుతాను,శాస్త్రాలలో జీవహింస చేయకూడదూ అని ఆజ్ఞాపించారు’అంటూ చెప్పుకొచ్చాడు మునివర్యుడు. (more…)