జాబిల్లి

రచన: కోసూరి ఉమాభారతి

బుడి బుడి అడుగుల బుజ్జాయి

నీతోనే ఆడాను, నీ పాటే పాడాను

బడికైనా, గుడికైనా నీ వెన్నంటే నేనొచ్చాను

టెన్నిస్ ఐనా, క్రికెట్ ఐనా, నీ బాట్ తో, నేనూ ఆడాను

ఇది కాదు, అదని రుచులు కోరితే

కొసరి కొసరి, మరిన్ని వడ్డించి, మురిశాను

నీ మనసెరిగి, అడగకనే అన్నీఅమర్చి

అడుగులకి మడుగులోత్తిందీ , నా ముచ్చటికే

అమ్మమ్మ, తాతయ్య, నానమ్మ నిన్ను చూడాలంటే

నీతో ఆ దూరతీర ప్రయాణాలు, సుధీర్గ సరదాలే

ఒదిగి, ఎదిగిన నీ మాటలకు, చేష్టలకు, గెలుపులకు, తలపులకు

జేజేలు పలికాను, సగర్వంగా ఉప్పొంగిపోయాను

దేశాలు, ప్రదేశాలు దాటి, మరెన్నో ఎత్తులకి నీవెగిసినప్పుడు

అవధులు లేని ఆనందంలో మునిగి తేలాను

మరిన్ని ఉన్నత శిఖరాల నధిరోహించి

కోరినవన్నీ సాధించి, సుఖ సంతోషాలతో

వెయ్యేళ్ళు వర్ధిల్లు బాబు వర్ధిల్లు !

రచన : రాజేంద్రకుమర్ దేవరపల్లి

పొలంలో పనులన్నీ ముగించుకుని  ఒక రైతు సాయంత్రం యింటికి తిరిగివస్తున్నాడు.బాగా అలసిపోయి ఉండటంతో,ఎప్పుడెప్పుడు ఇల్లుచేరి స్నానం చేసి,భోజనం చేసి విశ్రాంతి తీసుకుందామా అని అతని మనసు తహతహలాడుతుంది.అలా నడుస్తూ ఒకరాళ్లగుట్ట దగ్గరకు వచ్చాడు.ఆరాళ్ళ సందుల్లో ఒకపులితోక ఇరుక్కుని,చాలా పెద్దది,కిందకీ,పైకీ కదులుతోంది.

రైతు భయంతో వణికిపోయాడు.పులితోకను వదిలించుకుని రైతుమీదకు దూకాలని ప్రయత్నించింది.కానీ రైతు పులితోకను అతనివైపుకు లాగాడు.పులి భీభత్సంగా గర్జిస్తూ,బుసలుకొడుతుంది.రైతు చెమటతో ప్రాణభీతితో తడిసి ముద్దయి పోయాడు.కొంతసేపయ్యాక అ దారివెంట ఒకముని వెళుతూ కనిపించాడు.

ఓహొ!దేవుడే ఈ సాధువును పంపించాడని భావించి.‘స్వామీ,అదిగో నేలమీద నా కొడవలి ఉంది,ఈపాడు పులిని  చంపి నాప్రాణం కాపాడండి’అంటూ బతిమలాడాడు రైతు.ఆ ముని రైతు వైపు ప్రశాంతంగా చూసి ‘ప్రాణాలు తీయటమనేది నా సిద్ధాంతాలకు విరుద్ధం’ అన్నాడు. ‘అయ్యో అవేం మాటలు స్వామీ,నేను ఈ తోకను వదిలేస్తే పులి నామీద పడి హతమారుస్తుంది’అని వేడుకున్నాడు.‘నేనేం చెయ్యలేను నాయనా,మా మతవిశ్వాసాల ప్రకారం,ఏజీవరాశి ప్రాణం తీయకూడదు’శెలవిచ్చాడు ముని.‘మీరు నాకు సాయం చెయ్యకపోతే ఈ పులి నన్ను చంపుతుంది,అప్పుడు నాచావుకు కారణం మీరే అవుతారు గదా! అని తర్కించాడు రైతు.దానికి కూడా,‘అడవిలో బలమైన జంతువు బలహీనమైన ప్రాణిని చంపటమనే సామాన్య ఆటవిక న్యాయముంటుంది,దానికి నేను ఎలా బాధ్యుడిని అవుతాను,శాస్త్రాలలో జీవహింస చేయకూడదూ అని ఆజ్ఞాపించారు’అంటూ చెప్పుకొచ్చాడు మునివర్యుడు. Read the rest of this entry →